Google elan etdi: ChromeOS və Android birləşir!

Şirkətin Android Ekosisteminin rəhbəri Sameer Samat Android və ChromeOS əməliyyat sistemlərinin vahid platforma altında birləşdiriləcəyini açıqlayıb. Beləliklə, ABŞ mərkəzli Google nəhayət gözlənilən elanı edərək ChromeOS və Android sistemlərinin birləşməsini açıqlayaraq bütün diqqətləri öz üzərinə cəlb edib. Təfərrüatlar hələ dəqiqləşdirilməyib, lakin yeni inkişaf şirkətin funksiyaların inkişaf etdirilməsi prosesini əhəmiyyətli dərəcədə surətləndirə bilir.

 Mobil, geyilə bilən cihazlar, XR, TV və avtomobillərdə Android proqramlarına cavabdeh olan Samat, Android və ChromeOS-u birləşdirəcəklərini rəsmi olaraq təsdiqləyib. Samat bu birləşmənin istifadəçi təcrübəsinə necə təsir edəcəyini açıqlamasa da, masaüstü və planşet istifadə vərdişlərinin bu prosesi formalaşdıracağını bildirib.

Xatırladaq ki, Google Android-i masaüstü cihazlara uyğun funksiyalarla təchiz etməyə davam edir. Buna görə də, Android və ChromeOS arasındakı ümumi zəmin, xüsusilə proqram strategiyasında əhəmiyyətli bir mərhələdir. Bundan əlavə, bir dam altında birləşdirilən iki platforma Apple ekosisteminə güclü alternativ ola bilər. Ancaq təfərrüatlar üçün bir az daha gözləməliyik.