Kibertəhlükəsizlik sahəsində çalışan tədqiqatçılar, Microsoft Defender antivirus müdafiəsini təxminən 8% hallarda keçə bilən süni zəka modelini nümayiş etdirmək niyyətində olduqlarını bildiriblər. Bu nümayiş 2 avqustda başlayacaq Black Hat USA 2025 konfransında keçiriləcək. Güclü generativ süni zəkanın meydana çıxması ilə ekspertlər getdikcə daha çox xəbərdarlıq edirlər ki, bu texnologiya kibertəhlükəsizlik sahəsinin əsaslarını sarsıda bilər, baxmayaraq ki, hələlik bu sahədə tam bir inqilab baş verməyib.

Twitter-in yaradıcısı və hazırda Block şirkətinin rəhbəri olan Jack Dorsey internet bağlantısı olmadan mesaj göndərməyə imkan verən qeyri-adi ünsiyyət tətbiqi - Bitchat adlı mesenceri təqdim edib. Bu messencer Bluetooth üzərindən işləyir və cihazların birbaşa bir-birinə mesaj ötürdüyü, “mesh” adlanan şəbəkə yaradır. WhatsApp və ya Telegram kimi adi mesencerlərdən fərqli olaraq, Bitchat nə telefon nömrəsi, nə də qeydiyyat tələb etmir. Hətta yazışmaların saxlandığı serverlər də yoxdur. Bütün məlumatlar cihazdan cihazadək birbaşa ötürülür və çatdırıldıqdan sonra silinir.

Netcraft şirkətinin tədqiqatçıları müəyyən ediblər ki, ChatGPT və digər çat-botlar istifadəçilər onlardan böyük şirkətlərin rəsmi sayt ünvanlarını soruşduqda tez-tez səhvlərə yol verirlər. Testlər zamanı GPT-4.1 modeli düzgün URL ünvanını yalnız halların 66%-ində təqdim edib. Qalan hallarda isə ya mövcud olmayan səhifələrə yönləndirmə olub (29%), ya da legitim, lakin istifadəçinin axtardığı sayta aid olmayan səhifələr göstərilib (5%). Netcraft şirkətinin təhdidlərin araşdırılması şöbəsinin rəhbəri Rob Duncan izah edib ki, bu cür səhvlər dələduzlar üçün yeni imkanlar yaradır.

Əgər süni zəka işləməyən bir domen təqdim edərsə, kibercinayətkarlar həmin domeni qeydiyyatdan keçirib fişinq səhifəsi yarada bilərlər.

Artıq süni zəka sosial şəbəkə X-də paylaşımların etibarlılığı ilə bağlı “İcma qeydləri” (Community Notes) yazmaqla məşğul ola biləcək. Hazırda bu funksiya ilkin rejimdə işləyir və bütün qeydlər yoxlamadan keçir. X sosial şəbəkəsinin administrasiyası süni zəka əsaslı çat-botların “İcma qeydləri” yazmasına imkan verən alətlər toplusunu (API) təqdim edib. Şərhlər test rejimində əlavə olunur və ümumi istifadəyə verilməzdən əvvəl yoxlanılır. Süni zəka ilə yazılmış qeydlərin ilk müəllifləri bu ayın sonunadək təsdiqlənəcək.

Bu, məktəblər üçün Gemini tətbiqinin yeni versiyasıdır və müəssisə səviyyəsində məlumatların qorunmasını təmin edir. Google bu alətə çıxışı əlavə ödəniş olmadan mövcud Education planlarına daxil edəcək. Nəticədə, məktəblər Gemini 2.5 Pro adlı premium modelə çıxış əldə edəcəklər. Bundan əlavə, Workspace for Education ilə işləyən müəllimlər üçün Gemini in the Classroom adlı alət də ödənişsiz təqdim ediləcək. Bu alət dərs planlamasını və hazırlıq prosesini sürətləndirmək məqsədilə 30-dan çox yeni funksiyanı əhatə edir - məsələn, söz siyahılarının yaradılması kimi tapşırıqları yerinə yetirmək üçün.