Samsung şirkəti rəsmi şəkildə Galaxy Unpacked 2021 tədbirinin keçirilmə tarixini elan edib. Sözügedən tədbirdə şirkət yeni Galaxy S21 flaqman smartfon seriyasını təqdim edəcək. Bununla yanaşı şirkətin digər yeni məhsulları da təqdim edəcəyi gözlənilir. Beləliklə şirkət bildirib ki, Galaxy Unpacked 2021 tədbiri 14 yanvar tarixində baş tutacaq. Təqdim olunmuş görüntülərdə həmçinin Galaxy S21-in arxa kamera modulunun görüntüsü də əks olunub. Təqdimat çərçivəsində Galaxy S21, S21+ və S21 Ultra smartfonlarının təqdim olunması gözlənilir. Bununla yanaşı şirkət həmçinin naqilsiz Galaxy Buds Pro qulaqlıqlarını da təqdim edə bilər.

Xiaomi şirkəti xüsusi tədbir çərçivəsində yeni flaqman smartfon olan Mi 11-i təqdim edib. Bu smartfon dünyada Snapdragon 888 prosessorunu əldə etmiş ilk smartfon olub. Bununla yanaşı Mi 11 həmçinin yüksək təsvir tezliyinə sahib ekran və keyfiyyətli stereo səsgücləndiricilər əldə edib. Smartfon 3200x1440 pksel keyfiyytli 6.81 düym AMOLED ekrana sahibdir. Ekranın kənarları əyilmiş dizaynda reallaşdırılıb. Bununla yanaşı smartfonun ekranı 120 Hzlik təsvir yenilənməsini dəstəkləyir və Gorilla Glass Victus qoruyucu şüşəsi ilə əhatə olunub.

Karantin dövründə ən çox qazanan platformalardan olan Zoom yeni il ərəfəsində pulsuz hesablardakı 40 dəqiqəlik məhdudiyyəti də aradan qaldırır. 

Platforma ilə bağlı atılan yeni addımın əsas hədəfi epidemiyaya görə, bir-biri ilə görüşə bilməyənlərin yeni ildə qovuşmasıdır. Zoom-un sözügedən yeniliyi müvəqqəti xarakter daşıyacaq.

Qualcomm şirkəti Snapdragon 678 prosessorunu təqdim edərək özünün orta səviyyəli prosessorlar seriyasını genişləndirib. Bu yeni 8 nüvəli prosessorun əsas özəllikləri sırasında əvvəlki model ilə müqayisədə yüksəldilmiş performans, geniş multimedia imkanları və LTE şəbəkələrdə məlumatların yüksək ötürülmə sürəti var.

11 illik fasilədən sonra Nokia brendi PureBook X14 adlı yeni nəsil noutbuk modelini təqdim edib. Yeni noutbuk alüminium materialdan hazırlanmış gövdə, 14 düym Full HD ekran, 10-cu nəsil Intel Core i5 prosessoru və bir çox giriş əldə edib. Nokia PureBook X14 modeli orta büdcəli noutbuk qismində çıxış edir. O, 10-cu nəsil Intel Core i5-10210 prosessoru əsasında hazırlanıb. Sözügedən prosessorun nüvəsi adi rejimdə 1.6 GHz tezlikdə, TurboBoost rejimində isə 4.2 GHz tezlikdə çalışır.